Greinar

Erlendar fitness keppnir næsta skref

Eftir að hafa tekið þátt í fitness keppnum hér heima liggur beinast við að taka erlendar fitness keppnir sem næsta skref. Fyrra mótið er Arnold Classic í Bandaríkjunum og svo viku síðar á Royal London Pro í London á Englandi. Tvö mót með stuttu millibili og því nauðsynlegt að vera mjög vel skipulögð og fókus á gott matarræði.

Lesa má meira um ferðalagið mitt í þessum greinum sem birtust á dv.is og mbl.is


Svekkt að hafa ekki landað 1. sæt­inu

Það voru blendn­ar til­finn­ing­ar í gangi eft­ir mótið – ég var í sælu­vímu að klára dag­inn svona með stæl, í hálf­gerðu spennu­falli enda lang­ur tími sem ég hef verið að und­ir­búa mig og um leið svekkt að hafa ekki landað 1. sæt­inu í mín­um flokki, en ég lenti í 2. sæti en það var víst mjög jafnt á stig­um á efstu sæt­um. Þar kom þetta keppn­is­skap mitt sterkt inn,“ seg­ir Lilja og ját­ar að hún hafi ekki vitað að hún væri með svona mikið keppn­is­skap.

Það gekk nán­ast allt upp, mér leið ótrú­lega vel á sviðinu, var ör­ugg og ekk­ert stressuð, var í mínu al­besta formi hingað til, allt eins og það átti að vera með út­litið, bik­ini, brúnk­una og sjálft formið í toppi. En dóm­ar­ar voru greini­lega hlynnt­ari mýkri og grennri lín­um í þess­um flokki í ár held­ur en stæltu og skornu út­liti sem ég hefði nú haldið að væri hluti af því að keppa í fit­n­ess.

 


45 ára og í mínu besta formi

Hann er bú­inn að ganga hrika­lega vel og hef­ur verið svo skemmti­leg­ur. Ég tók mér góðan tíma í þenn­an und­ir­bún­ing, enda er það eina vitið. Ég hef smátt og smátt hert mataræðið og náð að halda góðum æf­ing­um í botni, hef í raun ein­göngu bætt við um 30-45 mín­útna brennslu auka­lega við mín­ar lyft­ingaræf­ing­ar sem eru að jafnaði sex í viku.

Ég er í þjálf­un hjá Kon­ráð Val Gísla­syni hjá Ice­land Fit­n­ess og hef verið síðan í haust. Í raun hef ég verið und­ir hans hand­leiðslu síðastliðin tvö og hálft ár. Hann er reynslu­bolti sem veit hvað hann syng­ur í þess­um bransa. Það er bráðnauðsyn­legt að vera með rétt­an þjálf­ara í slíku verk­efni. Maður ger­ir þetta ekki einn, sama hvað maður er klár. Og lær­dóm­ur­inn sem ég sem einkaþjálf­ari fæ út úr þessu er gríðarlega mik­ill og get miðlað áfram. Því slík­ur und­ir­bún­ing­ur er ekki ósvipaður því og þegar maður er að breyta um lífstíl, þú ert bara kom­in lengra með það

 


Svona fór Eyja að því að losa sig við 10 kg

Eyja Bryn­geirs­dótt­ir átti stjörnu­leik í Lífs­stíls­breyt­ingu Smart­lands og Sport­húss­ins. Hún var staðráðin í því að ná af sér 10 kg og það tókst. Með já­kvæðni og vilja­styrk mætti hún eins og klukka á æf­ing­ar hjá Lilju Ingva­dótt­ur einkaþjálf­ara í Sport­hús­inu og fylgdi henn­ar ráðum í einu og öllu.

Eyja sagði frá því til dæm­is í Lífs­stíls­breyt­ing­unni að Lilja vildi alls ekki að hún borðaði ost og svo henti hún sykr­in­um út úr mataræðinu. Oft var þetta erfitt en gleðin sem fylg­ir því að ná ár­angri varð yf­ir­sterk­ari.

 


Það er ekk­ert til sem heit­ir skyndi­lausn­ir

Skyndilausnir eiga það til að skjóta upp kollinum af og til. Fólk er mjög gjarnt á að setjast á þessa vagna og halda að það geti breytt líkamanum á örfáum dögum eða vikum. Ég er alfarið á móti þessháttar aðferðum enda eru það eingöngu skyndilausnir sem vara stutt eða ekki neitt.

Langtíma markmið er mun farsælla til árangurs að bættri heilsu og vellíðan. Þetta felur í sér breittan lífsstíl og nýja hugsun. Getur verið strembið að tileinka sér nýjungar en það streð er vel þess virði. Nýr lífsstíll getur tekið allt frá 4 vikum og lengur að verða nokkurn vegin ómeðvitaður.

Smartland fékk mig í viðtal hjá sér á dögunum þar sem farið var ítarlega í þessi atriði. Viðtalið má lesa með því að smella hnappin hér fyrir neðan

 


Lífsstílsbreyting Smartlands og Sporthússins

Haustið 2015 var ég fengin til að þjálfa og vera með utanumhald um þátttakendur í átakinu Lífsstílsbreyting Smartlands og Sporthússins sem Smartland og Sporthúsið stóðu að.

Mikil og ýtarleg umfjöllun var um þátttakendur á meðan á átakanu stóð. Alla umfjöllun má nálgast á svæði Smartlands hjá mbl.is með því að smella á takkann hér fyrir neðan.